Kweek ‘n Huwelik met Karakter

(Neem kennis dat bestellings huidiglik net beskikbaar is vir aflewering in Suid-Afrika)

DAAR STAAN TWEE BOME IN JULLE EDEN EN DIT KAN WEER ‘N PARADYS WEES

Met eerlikheid, humor en hoop deel Louis en Hettie in hierdie gids praktiese, deurleefde hulp vir paartjies wat, soos hulle, radikaal van mekaar verskil en soms twyfel of hulle liefde dit gaan oorleef.  In ‘n selfsugtige kultuur daag hulle elkeen van ons uit om niks terug te hou nie omdat die huwelik – net soos ons geloof – vir totale oorgawe ontwerp is.  Binne hulle Huwelikstuin-metafoor neem hulle elke paartjie op ‘n reis van die Tuinhekkie van toewyding af langs noodsaaklike stilhouplekke tot by die Vreugdevuur van intimiteit in die hart van hulle Huwelikstuin. Hier deel hulle vyf Edengeheime wat huwelike verdiep en beskerm. Die Skaakbordmodel vir konflikhantering en drie soorte Tuinbankiekuiers hou lesers uit mekaar se hare en in mekaar se arms.